Arrow >>>>>>>غـــــزوة بـــــــــدر الكبـــــــري<<<<<<<

انا قريت غزوة بدر
من كتب للدكتور عبدالحميد جوةد السحار
محمد رسول الله والذين معه
بجد والله انا حسيت في غزوة بدر واحد اني كنت بالظبط كدة
زي حمدي الكنيسي في حرب اكتوبر كان المراسل الحربي
انا بقي كنت حاسس اني المراسل الحربي جوة المعركة:r3r:
وكنت في قمة سعادتي كمسلم وانا بشوف المسلمين واللي عملوه
فأنا قررت اني هسرد ليكم الغزوة ولكن في حلقات
لأني هكتبها بايدي كلها
يعني هقرأ أكتبلكم فهتأخد مجهود
واقسملكم بالله انكم لما تقروها هنا
ليها طعم تاني خالص وفعلا هتحب الغزوة
وان شاء الله اخلصها وأبدا في غزوة أحد ان شاء الله
بس محتاج تشجيعكم لأن هي هتأخد وقت
لأن في كلام في النص هحذفه عبارة عن استطراد من الدكتور
في اخبار الروم والفرس وقتها
ونبدأ بقي الله المستعان



>>>>>>>غــــــزوة بـــــــــدر<<<<<<<


غزوة بدر انا بعتبرها اعظم معركة لاسباب كتيرة
مش كلام بس لأني مجرد مسلم فخور بدينه
لا فعلا لاسباب

اولا

ان كان فيها اعظم راية في تاريخ البشرية
لان كان تحت الراية خير خلق الله في الارض محمد بن عبدالله عليه الصلاة والسلام
وخير الخلق بعد الرسل والأنبياء الصحابة رضوان الله عليهم
وخير خلق الله في السماء سيدنا جبريل عليه السلام
والملائكة اللي حاربوا في الغزوة مع المسلمين
تخيلوا الراية دي تحتها كل دول
ياريتني كنت الخشبة اللي متعلق فيه العلم
ده اول سبب

ثانيا

انها كانت معركة اعجازية
من حيث العدد والسلاح ولو فكرنا فيها عقليا نلاقي ان نتيجتها صعب تتحق
لكن لو فكرنا ايمانيا والروح اللي كانت في كل افراد الجيشين
فيكون اقل تعبير ساعتها كلام ربنا
مئة صابرة تغلب الف باذن الله
ومئتين يغلبوا الفين باذن الله

ثالثا

انها كانت معركة فاصلة في تاريخ البشرية
كان في المعركة دي كل الموحددين بالله علي الارض
وكلهم مع حبيب قلبي محمد عليه الصلاة والسلام
فلو كانوا انهزموا كان التوحيد انعدم من دنيانا
لكن ربنا كتب الفوز للمسلمين
والنصر لدينه عشان ينشر التوحيد في العالم
اللي دلوقتي المسلمين 6 مليار
بعد ما كانوا في الغزوة دي 313
وللاسف ال 313 دول كان ليهم تأثير ايجابي في عالمنا اكثر منا احنا ال 6 مليار
المهم

رابعا

ان المعركة دي بالنسبة للمسلمين ساعتها
رفعت المعنويات بطريقة قوية جدا
وزاد ايمانهم بالله ورسوله
تخيل انت لو في 300 نفر وداخل عليك جيش من 1000
وتكسب وتفوز مع فرق العدة كمان

خامسا

ان المعركة دي راح فيها مشركين كانوا واقفين في وش الاسلام بطريقة وحشة قوي
يعني طار فيها رأس الشرك كلهم
ابو جهل يعني عقبة كبيرة في طريق الاسلام

سادسا

اعطي للمسلمين وضعهم في المنطقة العربية
وكانت كل القبائل بتجهز لغزو المدينة
باعتبار ضعف المسلمين
وانهم مطرودين من مكة
لكن بعد المعركة بدأوا يأخدوا حذرهم


دي الاسباب اللي من رأيئ الشخصي تخليها اعظم معركة في البشرية
اول تلاتة اسباب عالمية مكانا وزمانا استمرت لبعد المعركة
والتلاتة التانين كانت محلية في عهد الرسول وفي المنطقة العربية في ساعتها


نبدأ بقي في سرد الغزوة من كتاب " محمد رسول الله والذين معه"

انا منزل الغزوة في منتدي تاني بس حبيت افيد المنتدي هنا برضه
لان الموضوع حلو وهيعجبكم ان شاء الله
مستني ردود الفعل من الاعضاء اني ابدا ولا لا
__________________


قمة الاستمتاع مع السرد القصصي لــ...

غـــزوة بــدر الكبري